ಕ್ಷಮಾಪಣೆ

ಈ ಲೇಖನವು ಈಗ GitHubಇಗೆ ಸ್ಥಳಾಂತರಿತವಾಗಿದೆ. ಮುಂದಿನ ತಿದ್ದುಪಡಿಗಳು ಅಲ್ಲೇ ನಡೆಯುತ್ತವೆ.
---

ಮೂರು ದಶಕಗಳ ಕಾಲ, ಕನ್ನಡ ಮಾತ್ರವಲ್ಲ, ಯಾವುದೇ ಭಾಷೆಯ ಕಾವ್ಯಪರಂಪರೆಯ ಬಗೆಗೆ ಸ್ವಲ್ಪವೂ ರುಚಿ ಬೆಳೆಸಿಕೊಳ್ಳದೆ, ಆಮೇಲೆ ಕೆಲವು ವರ್ಷ ಮಾತ್ರ ಕನ್ನಡ ಕವನಗಳನ್ನು ಓದಿ (ರಾಗಸಂಯೋಜನೆಗಾಗಿ, ಕಾವ್ಯಾಭ್ಯಾಸಕ್ಕಾಗಿ ಅಲ್ಲ), ಈಗ ಇದ್ದಕ್ಕಿದ್ದಂತೆ ಕೆಲವು ಕವನಗಳನ್ನು ಬರೆದದ್ದು ದೊಡ್ಡ ಅಧಿಕಪ್ರಸಂಗ. ಬರೆದಮೇಲೆ ಅವುಗಳ ಅರ್ಥ ವಿವರಿಸಬೇಕು ಎನ್ನುವ ಕೆಟ್ಟ ಚಪಲ.

ಬರೆದವರು ತಮ್ಮ ಕವನಗಳನ್ನು ವಿವರಿಸಬಾರದು. ವಿವರಿಸಿದರೆ, ಅದನ್ನು ಯಾರೂ ಓದಬಾರದು. ಬರೆದಾದ ಮೇಲೆ, ಕವನ, ಬರೆದವರ ಸೊತ್ತಲ್ಲ. ಓದುವ ಕಣ್ಣಿಗೆ, ಬರೆದಾಗ ಕಂಡದ್ದು ಕಾಣದೆ ಹೋದೀತು. ಬರೆದಾಗ ಕಾಣದ್ದೂ ಕಂಡೀತು. ಕಣ್ಣಿಂದ ಕಣ್ಣಿಗೆ, ಎದೆಯಿಂದ ಎದೆಗೆ,  ಹೀಗೆ ಕವನದ ಜಾಡು, ತಾನಾಗಿಯೇ ಮೂಡಬೇಕಾದದ್ದು.

ಆದರೂ, ಏನೋ ಹೊಸತು ಇಲ್ಲಿ ಇದೆ ಅನ್ನುವ ಒಂದು ಭ್ರಾಂತಿ. ಈ ಭ್ರಾಂತಿಯಿಂದ ಉರುಳಿದ್ದು ಮುಂದಕ್ಕೋ? ಹಿಂದಕ್ಕೋ? ಅಂತೂ ಉರುಳುವುದು ಮುಖ್ಯ ಎನ್ನುವ ಸಮಾಧಾನ (ಸಮಾದಾನ?). ಹೀಗೆ ಉರುಳುವ ಮರುಳಾಗಿ, ಬರೆದಾಗ ಕಂಡದ್ದನ್ನು ಮಂಡಿಸಿದರೆ, ಖಂಡಿಸಲಿಕ್ಕಾದರೂ ಉಪಯೋಗವಾದೀತು ಎನ್ನುವ ಅನುಕೂಲ ತರ್ಕ. ಕಂಡದ್ದೆಲ್ಲವೂ ಕವನದಲ್ಲಿ ಇಳಿದುಬಂದಿರಬೇಕೆಂದೇನೂ ಇಲ್ಲ. ಅದೇನೇ ಇದ್ದರೂ, ಕೊಂದ ಪಾಪ, ತಿಂದು ಪರಿಹಾರ. 

ಶಬ್ದಾರ್ಥ ತಿಳಿದುಕೊಂಡು ಬರೆಯುವ ವಿವೇಕ ಮೂಡುವುದು ನನಗೆ ಬಹಳ ಅಪರೂಪಕ್ಕೆ. ನಿಘಂಟಿಲ್ಲದೇ ಬರೆದು (ಬರೆ) ಹಾಕುವುದೇ ಹೆಚ್ಚು. ಮೇಲಾಗಿ, ಇಂಗ್ಲಿಷ್ ಮಿಶ್ರಿತ ಕನ್ನಡದ ಕಲಸುಮೇಲೋಗರವೇ ತಲೆಯೊಳಗೆ. ಏನೋ ಒಳ್ಳೆಯ ಘಳಿಗೆಯಲ್ಲಿ, disclaimer ಶಬ್ದಕ್ಕೆ ಕನ್ನಡದಲ್ಲಿ ಅರ್ಥ ಹುಡುಕಿದಾಗ ಹಕ್ಕುತ್ಯಾಗ ಅನ್ನುವ ವಿಕಾರವೊಂದು ಕಂಡುಬಂತು. ಯೋಚಿಸಿದಾಗ, ಇಂಗ್ಲಿಷಲ್ಲೂ ಇದರ ಮೂಲಾರ್ಥ ಅದೇ (dis-claim) ಅಂತಲೂ ಹೊಳೆಯಿತು. Disclaimer ಎನ್ನುವುದು ನಮ್ಮ ಪರಂಪರೆಯಲ್ಲಿ ಇಲ್ಲ. ಅಷ್ಟಲ್ಲದೆ, ಬರೆದಾದ ಮೇಲೆ ಹಕ್ಕೇ ಇಲ್ಲದಿರುವಾಗ ತ್ಯಾಗ ಎಂಥದರದ್ದು? ಇನ್ನೂ ಒಂದಿಷ್ಟು ಉಳಿದಿರಬಹುದಾದ ಮಾನ, ಮರ್ಯಾದೆಯದ್ದಷ್ಟೇ.

ಹೀಗಾಗಿ, ಇದು ಕ್ಷಮಾಪಣೆ. ಒಂದೆರಡು ತಪ್ಪಿಗಲ್ಲ. ಮಾಡಿದ ತಪ್ಪಿಗೆ, ಮಾಡದ ತಪ್ಪಿಗೆ, ಈಗ ಮಾಡುತ್ತಿರುವ ತಪ್ಪಿಗೆ, ಮುಂದೆ ಮಾಡುವ ತಪ್ಪುಗಳಿಗೆ. ಮುಂದೆ ಮಾಡದೆ ಇರುವ ತಪ್ಪುಗಳಿಗೂ.

ಒಳ್ಳೆಯ ಬುದ್ಧಿ ಬಂದಾಗ ಅದನ್ನು ವಿಪರೀತಕ್ಕೆ ತಿರುಗಿಸದೆ ಬಿಟ್ಟರೆ ಹೇಗೆ? ಕ್ಷಮಾಪಣೆಗೆ ಇಂಗ್ಲಿಷಲ್ಲಿ apology ಅಂತ ಒಂದರ್ಥ. Apology ಎಂದರೆ ಸಮರ್ಥನೆ ಅಂತಲೂ ಅರ್ಥವಾಗುತ್ತದೆ. ಸಮರ್ಥನೆಗಿಂತ ಸಮಜಾಯಿಷಿಯೇ ಸರಿ. ಒಟ್ಟಿನಲ್ಲಿ, ಸುತ್ತು ಬಳಸಿ, ಗೊತ್ತಿದ್ದೂ ಮಾಡುವ ತಪ್ಪನ್ನು ಸಮರ್ಥಿಸುವ ಅಪಚಾರ.

ದಯವಿಟ್ಟು ಕ್ಷಮಿಸಿ.

Creative Commons License
ಈ ಲೇಖನ Creative Commons Attribution-NonCommercial-NoDerivatives 4.0 International License ಮೂಲಕ ಲಭ್ಯವಿವೆ.

Comments

  1. Unknown11 April 2020 at 23:21

    'ಕ್ಷಮಾಪಣೆ' ಕವನಗಳಷ್ಟೇ ಮೆಚ್ಚಿಗೆಯಾಯಿತು. ಇದು ಮುಂದುವರಿಯಲಿ.

    ReplyDelete

Post a Comment

Popular posts from this blog

ನಿಸ್ವನ - ಮಳೆ

Image
ನಿಸ್ವನದ ಭಾಗವಾಗಿ... ಕವನ:  ಅಂಬಿಕಾತನಯದತ್ತ ಕವನದ ಕಾಪೀರೈಟ್:  ಪುನರ್ವಸು ಬೇಂದ್ರೆ ರಾಗಸಂಯೋಜನೆ:  ಅಂಶುಮಾನ್ ಕೆ ಆರ್ ಗಾಯನ: ಅಂಶುಮಾನ್ ಕೆ ಆರ್, ಮಾನಸ ಹೊಳ್ಳ ಸ್ಟೂಡಿಯೋ/ವಾದ್ಯಸಂಯೋಜನೆ:  ಹೇಮಂತ್ ಕುಮಾರ್ ತಾಳವಾದ್ಯ:  ಬಿ ಎಸ್ ವೇಣುಗೋಪಾಲ್ ರಾಜು ( ತಬಲಾ ವೇಣು ) ಗಿಟಾರ್:  ಡಿ ಶ್ರೀನಿವಾಸ್ ಆಚಾರ್ (ಗಿಟಾರ್ ಶ್ರೀನಿವಾಸ್) ಬಾನ್ಸುರೀ/ಕೊಳಲು: ರಘುನಂದನ್ ರಾಮಕೃಷ್ಣ ಸಿತಾರ್: ಅರ್ಜುನ್ ಆನಂದ್ ರಿದಮ್ ಪ್ಯಾಡ್: ವರದರಾಜ್ ಕೀಬೋರ್ಡ್:  ಟೋನಿ ಮ್ಯಾಥ್ಯೂ ಧ್ವನಿತಂತ್ರಜ್ಞಾನ:  ಬಾಲಕೃಷ್ಣ ರಾವ್ ಈ ಹಾಡಿನಲ್ಲಿ ಕರ್ನಾಟಕ ಶಾಸ್ತ್ರೀಯ ಸಂಗೀತದ ಮಧ್ಯಮಾವತಿ  ರಾಗವನ್ನು ತುಸು ಜಾನಪದ ಶೈಲಿಯಲ್ಲಿ, vocal harmonyಯೊಂದಿಗೆ ಕಾಣಬಹುದು. ಇಡೀ ಕವನ ಹೀಗಿದೆ. ಮಳೆ ೧ ಮಳೆ ಬರುವ ಕಾಲಕ್ಕ ಒಳಗ್ಯಾಕ ಕೂತೇವೊ ಇಳೆಯೊಡನೆ ಜಳಕ ಮಾಡೋಣ ನಾವೂನು, ಮೋಡಗಳ ಆಟ ನೋಡೋಣ. ೨ ಮರಿಗುಡುಗು ಕೆಲೆವಾಗ ಮಳೆಗಾಳಿ ಸೆಳೆವಾಗ ಮರಗಿಡಗಳನ್ನು ಎಳೆವಾಗ ನಾವ್ಯಾಕ, ಮನೆಯಲ್ಲಿ ಅವಿತು ಕೂತೇವೊ. ೩ ಕೋಲ್ಮಿಂಚು ಇಣುಕಿಣುಕಿ ಕಣ್ಕುಣಿಸಿ ಕೆಣಕೆಣಕಿ ಬಾ ಗೆಣೆಯ ಹೊರಗೆ ಎನುವಾಗ ಒಳಸೇರಿ ಹರೆ ಮೀರಿದ್ಹಾಂಗ ಕುಳಿತೇವೊ - ಅಂಬಿಕಾತನಯದತ್ತ ಉಯ್ಯಾಲೆ: 66 ಪ್ರಕಾಶನ: 1938 ಈ ಹಾಡುಗಳೆಲ್ಲವೂ  Creative Commons Attribution-NonCommercial-NoDerivatives 4.0 International License  ಹಾಗೂ  standard YouTube license  ಮೂಲಕ ಲಭ್ಯವಿವೆ. ಕವನದ Copyright ಇದರಲ
Read more

ನಿಸ್ವನ - ಜ್ಞಾನಸೂತಕ

Image
ನಿಸ್ವನದ ಭಾಗವಾಗಿ... ಕವನ/ರಾಗಸಂಯೋಜನೆ/ಗಾಯನ/ವೀಣೆ:  ಅಂಶುಮಾನ್ ಕೆ ಆರ್ ಸ್ಟೂಡಿಯೋ/ವಾದ್ಯಸಂಯೋಜನೆ/ವಯೊಲಿನ್:  ಹೇಮಂತ್ ಕುಮಾರ್ ತಾಳವಾದ್ಯ: ಪಿ ಜನಾರ್ದನ್ ರಾವ್ ಕೀಬೋರ್ಡ್/ಧ್ವನಿತಂತ್ರಜ್ಞಾನ:  ಬಾಲಕೃಷ್ಣ ರಾವ್ ಈ ಹಾಡು ಕರ್ನಾಟಕ ಶಾಸ್ತ್ರೀಯ ಸಂಗೀತದ ಸುರುಟಿ , ಕೇದಾರಗೌಳ , ಶಹನ , ಯದುಕುಲಕಾಂಭೋಜಿ ಹಾಗೂ ಕಾಂಭೋಜಿ  ರಾಗಗಳಿಂದ ಕೂಡಿದೆ. ಇಡೀ ಕವನ ಹೀಗಿದೆ. ಜ್ಞಾನಸೂತಕ ೧ ನೀರಗೆರೆಯ ತಳಸ್ಪರ್ಶದಂತೆ, ಕರಿಮೋಡ ತಂದ ಲಘುವರ್ಷದಂತೆ, ಬಸಿರೊಳಗಿನಿಂದ ಎಳೆ ಹರ್ಷದಂತೆ, ಒಳಹೊರಗು ಹರಿಯಿತಲ್ಲ! ೨ ಭಿತ್ತಿಯನ್ನೆ ಕಳೆ. ಬಿತ್ತಿಲ್ಲದೆ ಬೆಳೆ. ನೆತ್ತಿಯಲ್ಲಿ ನೆಲೆನಿಂತ ನೀರಹೊಳೆ. ತಲೆಬಾಗಿಸಿದರೆ ಅಲ್ಲೆ ಹರಿವ ತೊರೆ, ನೆರೆಯೆ ಬಂದಿತಲ್ಲ! ೩ ಬೇರಿನಲ್ಲೆ ಫಲ. ಬೇಲಿಯಲ್ಲೆ ಹೊಲ. ಇಂಗಿತವೇ ಹರಿವಂಥ ಜೀವಜಲ! ಮಿಂಚಿನಹುಳದೊಳಬೆಳಕಿನಂತೆ ಬೇರೇನೊ ಹೊಳೆಯಿತಲ್ಲ! ೪ ಮಂಜು ಮಸುಕು ಮುಂಜಾವದಲ್ಲಿ ಚಳಿಗಾಲ ಮಾಗಿ ನಿಟ್ಟುಸಿರು ಬಿಟ್ಟ ನಸುಕಾದ ಎದೆಯೆ ಇಬ್ಬನಿಯ ಹಾರ ವರವಾಗಿ ಪಡೆಯಿತಲ್ಲ! - ಅಂಶುಮಾನ್ ಕೆ ಆರ್ ಈ ಹಾಡುಗಳೆಲ್ಲವೂ  Creative Commons Attribution-NonCommercial-NoDerivatives 4.0 International License  ಹಾಗೂ  standard YouTube license  ಮೂಲಕ ಲಭ್ಯವಿವೆ. These songs are licensed under a  Creative Commons Attribution-NonCommercial-NoDerivatives 4.0 International License  and  stand
Read more

Nisvana - Playlists

All the songs produced and released as part of the  Nisvana  project are available in the " Nisvana - Bhavageethe " YouTube channel.  For the benefit of listeners, various playlists of these songs are also available as listed below. All songs are  here . Poets  The poems of  Ambikatanayadatta  are  here . The poems of  M Gopalakrishna Adiga  are  here . The poems of  K S Narasimhaswamy  are  here . The poems of Chennaveera Kanavi  are  here . The poems of  Amrutha Someshwar  are  here . The poems of  Lakshmisha Tolpadi  are  here . The poems of P K Parameshwara Bhat  are  here . The poems of  Amshuman K R  are  here . Vocals The songs sung by  Ustad Faiyaz Khan  are  here . The songs sung by  Varijashree  are  here . The songs  sung by  Manasa Holla  are  here . The songs  sung by  Amshuman K R  are  here . Musicians The songs where  D Srinivas Achar (Guitar Srinivas)  has played the guitar are  here . The songs where B S Venugopal Raju (Tabla Venu)  has played the tabla and
Read more