ನಿಸ್ವನ - ಜೋ-ಅರಿವು

ನಿಸ್ವನದ ಭಾಗವಾಗಿ...

ಕನ್ನಡ ರಾಜ್ಯೋತ್ಸವದಂದು ಉಸ್ತಾದ್ ಫ಼ಯಾಜ಼್ ಖಾನರ ದನಿಯಲ್ಲಿ ಅಂಬಿಕಾತನಯದತ್ತರ "ಜೋ-ಅರಿವು" ಕನ್ನಡಿಗರಿಗೂ, ಸಂಗೀತಾಸಕ್ತರಿಗೂ ಸಮರ್ಪಿತ.

ಈ ಹಾಡಿನಲ್ಲಿ ಹಿಂದೂಸ್ಥಾನೀ ಶಾಸ್ತ್ರೀಯ ಸಂಗೀತದ ರಾಗ ಭಟಿಯಾರ್ ಹಾಗೂ ಮಧ್ಯಮಶ್ರುತಿಯಲ್ಲಿ ಕರ್ನಾಟಕ ಶಾಸ್ತ್ರೀಯ ಸಂಗೀತದ ರಾಗ ವಸಂತಿ (ಇದು ಷಡ್ಜಶ್ರುತಿಯಲ್ಲಿ ವಿಠ್ಠಲಪ್ರಿಯಾ ಅಥವಾ ಗುಣಾವತಿ ಹಾಗೂ ಹಿಂದೂಸ್ಥಾನಿಯ ಮಂಗಲ್ ಭೈರವ್ ರಾಗಗಳಂತಾಗುತ್ತದೆ), ಇವುಗಳಿಗೆ Jass-ಶೈಲಿಯಿಂದ ಪ್ರೇರಿತವಾದ ಗಿಟಾರ್ ಹಾಗೂ ವಿಭಿನ್ನ ರೀತಿಯ ಲಯಗಾರಿಕೆಯ ಹಿನ್ನೆಲೆಯಿದೆ.

ಇಡೀ ಕವನ ಹೀಗಿದೆ.

ಜೋ-ಅರಿವು

೧

ಮಾಟ, ಮಾಟ, ಇದು ಯಾವ ಆಟ

ಈ ಬಟಾ ಬಯಲಿನಲ್ಲಿ.

ಅಚ್ಚ ಅರಿವು ಬರಿ ಬಚ್ಚ ಅರಿವು

ಹೊಸ ಹೊಚ್ಚ ಅರಿವಿನಲ್ಲಿ.

೨

ಅರೆ ಅರಿವಿನಲ್ಲಿ ಮರೆ ಅರಿವಿನಲ್ಲಿ

ಹೊರ ಅರಿವಿನಲ್ಲಿ ನೀನು

ತೆರೆ ಅರಿವಿನಲ್ಲಿ ಬರೆ ಅರಿವಿನಲ್ಲಿ

ಕೊರೆ ಅರಿವಿನಲ್ಲಿ ನೀನು.

೩

ಮುರಿವರಿವಿನಲ್ಲಿ ಮೆರೆವರಿವಿನಲ್ಲಿ

ಎರೆವರಿವಿನಲ್ಲಿ ನೀನು

ನುರಿವರಿವಿನಲ್ಲಿ ನೊರೆವರಿವಿನಲ್ಲಿ

ತೊರೆವರಿವಿನಲ್ಲಿ ನೀನು.

೪

ನೆಲದರಿವಿನಲ್ಲಿ ನೀರರಿವಿನಲ್ಲಿ

ಉರಿವರಿವಿನಲ್ಲಿ ಅನಿಲ

ಬಾನರಿವಿನಲ್ಲಿ ತಾನರಿವಿನಲ್ಲಿ

ಹರಿವರಿವಿನಲ್ಲಿ ಅನಲ.

೫

ಅನಲ, ಅನಿಲ ಸಂಯೋಗದಲ್ಲಿ ಗೋ-

-ಪುರವ ಕಟ್ಟಿ ಅರಿವು

ಮರೆವಿನೊಂದು ಮರೆಯಲ್ಲಿ ಮನೆಯ

ಕಟ್ಟಿಹುದು ಬಯಲ ಇರವು.

೬

ಹರವೆ ತಗ್ಗುತಿದೆ; ಹರವೆ ನುಗ್ಗುತಿದೆ

ಹಿಗ್ಗುತಿಹುದು ಹರವು

ಮೊಗ್ಗು ಮೊಗ್ಗಾಗಿ; ಅರಳು ಅರಳಾಗಿ

ಹರಳುಗೊಳುವ ಇರವು.

೭

ಅರಬು ಏಕೆ? ಬರಬೇಕೆ? ಮರೆವೊ? ಓ

ಅರಿವೆ ಅರಿವೆ ಇಹುದು

ಸ್ವರದ ಮೂರ್ಛನೆಗೆ ರಾಗ ಲಯದ ಕಲೆ

ತಲೆಯ ತೂಗುತಿಹುದು.

೮

ತಾ ಎಂದ ಅರಿವು ಬಾ ಎನುವ ಅರಿವು

ನಾ ಎನುವ ಅರಿವು ಇಳಿದು

ಜೋ ಎನುವ ಅರಿವು ಭೋ ಎನುವ ಅರಿವು

ಬರುತಿಹುದು ತಮವ ಕಳೆದು.

- ಅಂಬಿಕಾತನಯದತ್ತ

ಉತ್ತರಾಯಣ: 29

ಪ್ರಕಾಶನ: 1960

Creative Commons License
ಈ ಹಾಡುಗಳೆಲ್ಲವೂ Creative Commons Attribution-NonCommercial-NoDerivatives 4.0 International License ಹಾಗೂ standard YouTube license ಮೂಲಕ ಲಭ್ಯವಿವೆ. ಕವನದ Copyright ಇದರಲ್ಲಿ ಒಳಗೊಂಡಿಲ್ಲ.

Creative Commons License
These songs are licensed under a Creative Commons Attribution-NonCommercial-NoDerivatives 4.0 International License and standard YouTube license. This does not include the copyright on the poem.

Comments

Post a Comment

Popular posts from this blog

Nisvana - Playlists

All the songs produced and released as part of the  Nisvana  project are available in the " Nisvana - Bhavageethe " YouTube channel.  For the benefit of listeners, various playlists of these songs are also available as listed below. All songs are  here . Poets  The poems of  Ambikatanayadatta  are  here . The poems of  M Gopalakrishna Adiga  are  here . The poems of  K S Narasimhaswamy  are  here . The poems of Chennaveera Kanavi  are  here . The poems of  Amrutha Someshwar  are  here . The poems of  Lakshmisha Tolpadi  are  here . The poems of P K Parameshwara Bhat  are  here . The poems of  Amshuman K R  are  here . Vocals The songs sung by  Ustad Faiyaz Khan  are  here . The songs sung by  Varijashree  are  here . The songs  sung by  Manasa Holla  are  here . The song...
Read more

ನಿಸ್ವನ - ಸಂಧ್ಯಾವಂದನೆ

Image
ನಿಸ್ವನದ ಭಾಗವಾಗಿ... ಕವನ/ರಾಗಸಂಯೋಜನೆ/ಗಾಯನ/ವೀಣೆ:  ಅಂಶುಮಾನ್ ಕೆ ಆರ್ ಸ್ಟೂಡಿಯೋ/ವಾದ್ಯಸಂಯೋಜನೆ:  ಹೇಮಂತ್ ಕುಮಾರ್ ಗಿಟಾರ್:  ಡಿ ಶ್ರೀನಿವಾಸ್ ಆಚಾರ್ (ಗಿಟಾರ್ ಶ್ರೀನಿವಾಸ್) ತಾಳವಾದ್ಯ:  ಬಿ ಎಸ್ ವೇಣುಗೋಪಾಲ್ ರಾಜು ( ತಬಲಾ ವೇಣು ) ಸಾರಂಗಿ:  ಸರ್ಫ಼ರಾಜ಼್ ಖಾನ್ ಬಾನ್ಸುರೀ/ಕೊಳಲು:  ರಘುನಂದನ್ ರಾಮಕೃಷ್ಣ ಕೀಬೋರ್ಡ್:  ಟೋನಿ ಮ್ಯಾಥ್ಯೂ ರಿದಮ್ ಪ್ಯಾಡ್:  ವರದರಾಜ್ ಧ್ವನಿತಂತ್ರಜ್ಞಾನ/ಕೀಬೋರ್ಡ್:  ಬಾಲಕೃಷ್ಣ ರಾವ್ "ನಿಸ್ವನ"ದ ಕಲ್ಪನೆ , ನನ್ನದೇ ಕವನವಾದ "ಸಂಧ್ಯಾವಂದನೆ"ಯೊಂದಿಗೆ ಸದ್ಯಕ್ಕೆ ಕೊನೆಗೊಳ್ಳುತ್ತದೆ. ಇದು ಹಲವು ಸಂಗೀತಶೈಲಿಗಳ (ಕರ್ನಾಟಕ ಶಾಸ್ತ್ರೀಯ ಸಂಗೀತ, ಹಿಂದೂಸ್ಥಾನೀ ಶಾಸ್ತ್ರೀಯ ಸಂಗೀತ, ಪಾಶ್ಚಾತ್ಯ ಶಾಸ್ತ್ರೀಯ ಸಂಗೀತ ಹಾಗೂ Jazz), ಜ್ಞಾನಮೀಮಾಂಸೆಯ ಹಲವು ಮುಖಗಳ, ಅವೆಲ್ಲಕ್ಕೂ ಮಿಗಿಲಾಗಿ, ತೆರೆಯ, ಮರೆಯ, ಕೊನೆಯಿರದ ಸಂಜೆಯ ಧ್ಯಾನ. ಇಲ್ಲಿ, ಗ್ರಹಭೇದ ದಿಂದ ಪ್ರೇರಿತವಾಗಿ, ಷಡ್ಜ ಶ್ರುತಿಯಲ್ಲಿ ಕರ್ನಾಟಕ ಶಾಸ್ತ್ರೀಯ ಸಂಗೀತದ ಹೈಮವತಿ , ರಿಷಭಶ್ರುತಿಯಲ್ಲಿ ಹಿಂದೂಸ್ಥಾನೀ ಶಾಸ್ತ್ರೀಯ ಸಂಗೀತದ ಬಸಂತ್ ಮುಖಾರಿ ಅಥವಾ ಕರ್ನಾಟಕ ಶಾಸ್ತ್ರೀಯ ಸಂಗೀತದ ವಕುಳಾಭರಣ ಹಾಗೂ ಪಂಚಮಶ್ರುತಿಯಲ್ಲಿ ಪಾಶ್ಚಾತ್ಯ ಶಾಸ್ತ್ರೀಯ ಸಂಗೀತದ natural minor scale ( aeolean mode  in G or G minor ) ಅಥವಾ ಕರ್ನಾಟಕ ಶಾಸ್ತ್ರೀಯ ಸಂಗೀತದ ನಠಭೈರವಿ ರಾಗ...
Read more

ನಿಸ್ವನ - Playlistಗಳು

ನಿಸ್ವನ ದ ಕಲ್ಪನೆಯಲ್ಲಿ ಹೊರಬಂದಿರುವ ಹಾಡುಗಳೆಲ್ಲವೂ " ನಿಸ್ವನ - ಭಾವಗೀತೆಯ ಅನುಭಾವ " YouTube ಚ್ಯಾನಲ್ಲಿನಲ್ಲಿ ಲಭ್ಯವಿವೆ.  ಕೇಳುಗರ ಅನುಕೂಲಕ್ಕಾಗಿ ಹಾಡುಗಳ ಹಲವು ಬಗೆಯ playlistಗಳೂ ಕೂಡ ಇವೆ. ಅವು ಈ ಕೆಳಗಿನಂತಿವೆ. ಎಲ್ಲ ಹಾಡುಗಳು ಇಲ್ಲಿವೆ . ಕವಿಗಳು  ಅಂಬಿಕಾತನಯದತ್ತ ರ ಕವನಗಳು ಇಲ್ಲಿವೆ . ಗೋಪಾಲಕೃಷ್ಣ ಅಡಿಗ ರ ಕವನಗಳು ಇಲ್ಲಿವೆ . ಕೆ ಎಸ್ ನರಸಿಂಹಸ್ವಾಮಿ ಗಳ ಕವನಗಳು ಇಲ್ಲಿವೆ . ಚನ್ನವೀರ ಕಣವಿ ಯವರ ಕವನಗಳು ಇಲ್ಲಿವೆ . ಅಮೃತ ಸೋಮೇಶ್ವರ ರ ಕವನಗಳು  ಇಲ್ಲಿವೆ . ಲಕ್ಷ್ಮೀಶ ತೋಳ್ಪಾಡಿ ಯವರ ಕವನಗಳು  ಇಲ್ಲಿವೆ . ಪಿ ಕೆ ಪರಮೇಶ್ವರ ಭಟ್ಟ ರ ಕವನಗಳು  ಇಲ್ಲಿವೆ . ಅಂಶುಮಾನ್ ಕೆ ಆರ್ ಅವರ ಕವನಗಳು  ಇಲ್ಲಿವೆ . ಗಾಯನ ಉಸ್ತಾದ್ ಫ಼ಯಾಜ಼್ ಖಾನ್ ಅವರು ಹಾಡಿರುವ ಭಾವಗೀತೆಗಳು ಇಲ್ಲಿವೆ . ವಾರಿಜಾಶ್ರೀ ಅವರು ಹಾಡಿರುವ ಭಾವಗೀತೆಗಳು  ಇಲ್ಲಿವೆ . ಮಾನಸ ಹೊಳ್ಳ ಅವರು ಹಾಡಿರುವ ಭಾವಗೀತೆಗಳು  ಇಲ್ಲಿವೆ . ಅಂಶುಮಾನ್ ಕೆ ಆರ್  ಹಾಡಿರುವ ಭಾವಗೀತೆಗಳು   ಇಲ್ಲಿವೆ . ಸಂಗೀತಗಾರರು ಡಿ ಶ್ರೀನಿವಾಸ್ ಆಚಾರ್ (ಗಿಟಾರ್ ಶ್ರೀನಿವಾಸ್) ಅವರು ಗಿಟಾರ್ ನುಡಿಸಿರುವ ಭಾವಗೀತೆಗಳು ಇಲ್ಲಿವೆ . ಬಿ ಎಸ್ ವೇಣುಗೋಪಾಲ್ ರಾಜು (ತಬಲಾ ವೇಣು) ಅವರು ತಬಲಾ ಮತ್ತಿತರ ತಾಳವಾದ್ಯಗಳನ್ನು ನುಡಿಸಿರುವ ಭಾವಗೀತೆಗಳು ಇಲ್ಲಿವೆ . ರಘುನಂದನ್ ರಾಮಕೃಷ್ಣ ಅವರು ಕೊಳಲು/...
Read more