ನಿಸ್ವನ - ಅವ್ವಾ! ನಾನು ಎಲ್ಲಿಂದ ಬಂದೆ?

ನಿಸ್ವನದ ಭಾಗವಾಗಿ...

• ಕವನ: ಅಂಬಿಕಾತನಯದತ್ತ
• ಕವನದ ಕಾಪೀರೈಟ್ ಕೃಪೆ: ಪುನರ್ವಸು ಬೇಂದ್ರೆ
• ರಾಗಸಂಯೋಜನೆ/ಗಾಯನ: ಅಂಶುಮಾನ್ ಕೆ ಆರ್
• ಸ್ಟೂಡಿಯೋ/ವಾದ್ಯಸಂಯೋಜನೆ/ವಯೊಲಿನ್: ಹೇಮಂತ್ ಕುಮಾರ್
• ತಾಳವಾದ್ಯ: ಬಿ ಎಸ್ ವೇಣುಗೋಪಾಲ್ ರಾಜು (ತಬಲಾ ವೇಣು)
• ಗಿಟಾರ್: ಡಿ ಶ್ರೀನಿವಾಸ್ ಆಚಾರ್ (ಗಿಟಾರ್ ಶ್ರೀನಿವಾಸ್)
• ಬಾನ್ಸುರೀ/ಕೊಳಲು: ರಘುನಂದನ್ ರಾಮಕೃಷ್ಣ
• ಸಿತಾರ್: ಅರ್ಜುನ್ ಆನಂದ್
• ಕೀಬೋರ್ಡ್: ಟೋನಿ ಮ್ಯಾಥ್ಯೂ
• ರಿದಮ್ ಪ್ಯಾಡ್: ವರದರಾಜ್
• ಧ್ವನಿತಂತ್ರಜ್ಞಾನ: ಬಾಲಕೃಷ್ಣ ರಾವ್

ಇಡೀ ಕವನ ಹೀಗಿದೆ.

ಅವ್ವಾ! ನಾನು ಎಲ್ಲಿಂದ ಬಂದೆ?

೧

ಅವ್ವಾ! ನಾನು ಎಲ್ಲಿಂದ ಬಂದೆ?

ಅವ್ವಾ! ನನ್ನ ಎಲ್ಲಿಂದ ತಂದೆ?

೨

ನೀ ನನ್ನ ಆಟದಾ ಗೊಂಬಿಯಾಗಿದ್ದೀ-ಕಂದಾ

ಮೂರ್ತಿ ಮಾಡಿದೆ ನಿನ್ನ ಅರಲು ಮಿದ್ದಿಽ||

೩

ಮನೆ ದೇವರ ಬೇಡಿ ಮಾಡಿದೆ ನಿದ್ದಿಽ-ಕಂದಾ

ನನ್ನಾ ಉಡಿಯಲ್ಲಿ ನೀ ಬಂದು ಬಿದ್ದೀ||

೪

ನನ್ನಜ್ಜಿಯಾ ಗೆಜ್ಜಿವಸ್ತ್ರವಾಗಿದ್ದಿಽ-ಕಂದಾ

ಕುಲದೇವಿಯಾ ಕೈಯಾ ಶಸ್ತ್ರವಾಗಿದ್ದಿ!||

೫

ದೊಡ್ಡವಳು ನಾನಾದೆ ನೀನಾದೆ ಸಿದ್ಧಿಽ-ಕಂದಾ

ಎದೆಹಾಲು ತೊರೆಸುತ್ತ ತೊಡೆಗೆ ಬಂದಿದ್ದಿಽ||

೬

ಮಿಂಚಿನೊಲು ನೀ ಬಂದಿ ಸಂಚಿತದೊಳಿದ್ದಿ-ಕಂದಾ

ಹೋದಿ-ಗೀದೀ ಎಂದು ಹೌಹಾರಿ ಬುದ್ಧಿ||

೭

ಎದೆಗೆದೆಯನವಿಚುತ್ತ ಮಾಡುವೆನು ಮುದ್ದಿ-ಕಂದಾ

ನಿನ್ನ ಹೃದಯಕೆ ವೇದ್ಯ ಹೃದಯದೀ ಸುದ್ದಿ!||

- ಅಂಬಿಕಾತನಯದತ್ತ

ಶತಮಾನ: ಅಪ್ರಕಟಿತ

ಈ ಹಾಡುಗಳೆಲ್ಲವೂ Creative Commons Attribution-NonCommercial-NoDerivatives 4.0 International License ಹಾಗೂ standard YouTube license ಮೂಲಕ ಲಭ್ಯವಿವೆ. ಕವನದ Copyright ಇದರಲ್ಲಿ ಒಳಗೊಂಡಿಲ್ಲ.

These songs are licensed under a Creative Commons Attribution-NonCommercial-NoDerivatives 4.0 International License and standard YouTube license. This does not include the copyright on the poem.