ನಿಸ್ವನ - ಮೋಡಗಳು ನಾವು

ನಿಸ್ವನದ ಭಾಗವಾಗಿ...

• ಕವನ: ಚನ್ನವೀರ ಕಣವಿ
• ಕವನದ ಕಾಪೀರೈಟ್: ಪ್ರಿಯದರ್ಶಿ ಕಣವಿ
• ರಾಗಸಂಯೋಜನೆ/ಗಾಯನ/ವೀಣೆ: ಅಂಶುಮಾನ್ ಕೆ ಆರ್
• ಸ್ಟೂಡಿಯೋ/ವಾದ್ಯಸಂಯೋಜನೆ/ವಯೊಲಿನ್/ಚೆಲ್ಲೋ: ಹೇಮಂತ್ ಕುಮಾರ್
• ಗಿಟಾರ್: ಡಿ ಶ್ರೀನಿವಾಸ್ ಆಚಾರ್ (ಗಿಟಾರ್ ಶ್ರೀನಿವಾಸ್)
• ತಾಳವಾದ್ಯ: ಬಿ ಎಸ್ ವೇಣುಗೋಪಾಲ್ ರಾಜು (ತಬಲಾ ವೇಣು)
• ಬಾನ್ಸುರೀ/ಕೊಳಲು: ರಘುನಂದನ್ ರಾಮಕೃಷ್ಣ
• ಕೀಬೋರ್ಡ್: ಟೋನಿ ಮ್ಯಾಥ್ಯೂ
• ರಿದಮ್ ಪ್ಯಾಡ್: ವರದರಾಜ್
• ಧ್ವನಿತಂತ್ರಜ್ಞಾನ: ಬಾಲಕೃಷ್ಣ ರಾವ್

ಈ ಹಾಡಿನಲ್ಲಿ ಪಾಶ್ಚಾತ್ಯ ಶಾಸ್ತ್ರೀಯ ಶೈಲಿಗೆ ಒಗ್ಗುವಂಥ, ಕರ್ನಾಟಕ ಶಾಸ್ತ್ರೀಯ ಸಂಗೀತದ ಗರುಡಧ್ವನಿ ರಾಗವನ್ನು ಪಾಶ್ಚಾತ್ಯ ಶಾಸ್ತ್ರೀಯ ಶೈಲಿಯ ಕೊಳಲು, ವಯೊಲಿನ್/ಚೆಲ್ಲೋ ಹಿನ್ನೆಲೆಯಲ್ಲಿ ಕಾಣಬಹುದು.

ಇಡೀ ಕವನ ಹೀಗಿದೆ.

ಮೋಡಗಳು ನಾವು

೧

ಬಾನು ತನ್ನನವರತ ನೀಲಿಮೆಯ ದಿಟ್ಟಿಸುತ

ಕನಸುಗಳ ಕಾಣುತಿಹುದು;

ಮೋಡಗಳು ನಾವದರ ವಿಪರೀತ ಹುಚ್ಚುಗಳು

ನಮಗಿಲ್ಲ ಮನೆಯಾವುದೂ.

೨

ನಿತ್ಯತೆಯ ಮುಕುಟದಲಿ ನಕ್ಷತ್ರ ಹೊಳೆಯುತಿವೆ

ಸ್ಥಿರ ಲಿಖಿತ ರೂಪವಿಹುದು;

ನಮ್ಮದೋ ಬರಿ ಸೀಸಕಡ್ಡಿ ಬರೆದಂತಿಹುದು-

ಮರು ಚಣದಿ ಅಳಿಸಬಹುದು.

೩

ವಾಯುರಂಗದಿ ಬಂದು ಮದ್ದಲೆಯ ಬಡಿಯುವದು

ನಗೆ ಮಿಂಚನೆಸೆವ ಪಾತ್ರ,

ಅಲ್ಲದೆಯೆ ನಮ್ಮ ನಗೆ ಮಳೆ ಸುರಿಸುವದು ಸತ್ಯ

ಹುಡುಗಾಟವಲ್ಲ ಗುಡುಗು.

೪

ಈಗಲೂ ಪ್ರತಿಫಲಕೆ ಕಾಲಪುರುಷನ ಕೂಡ

ಹಕ್ಕು ಸಾಧಿಸುತಿಲ್ಲ ನಾವು.

ಜೀವ ತುಂಬಿದ ಉಸಿರೆ ಊದಿಬಿಡುವದು ದೂರ

ಹೆಸರೊಂದನೀವ ಮೊದಲು.

- ಚನ್ನವೀರ ಕಣವಿ

ಕಣವಿ ಸಮಗ್ರ ಕಾವ್ಯ: ಪುಟ 275

ಈ ಹಾಡುಗಳೆಲ್ಲವೂ Creative Commons Attribution-NonCommercial-NoDerivatives 4.0 International License ಹಾಗೂ standard YouTube license ಮೂಲಕ ಲಭ್ಯವಿವೆ. ಕವನದ Copyright ಇದರಲ್ಲಿ ಒಳಗೊಂಡಿಲ್ಲ.

These songs are licensed under a Creative Commons Attribution-NonCommercial-NoDerivatives 4.0 International License and standard YouTube license. This does not include the copyright on the poem.