ನಿಸ್ವನ - ಮನದ ಮಲ್ಲಿಗೆ

ನಿಸ್ವನದ ಭಾಗವಾಗಿ...

• ಕವನ: ಪಿ ಕೆ ಪರಮೇಶ್ವರ ಭಟ್
• ಕವನದ ಕಾಪೀರೈಟ್: ಮೂಕಾಂಬಿಕಾ ಎಸ್ ಜಿ
• ರಾಗಸಂಯೋಜನೆ/ಗಾಯನ: ಅಂಶುಮಾನ್ ಕೆ ಆರ್
• ಸ್ಟೂಡಿಯೋ/ವಾದ್ಯಸಂಯೋಜನೆ: ಹೇಮಂತ್ ಕುಮಾರ್
• ಗಿಟಾರ್: ಡಿ ಶ್ರೀನಿವಾಸ್ ಆಚಾರ್ (ಗಿಟಾರ್ ಶ್ರೀನಿವಾಸ್)
• ತಾಳವಾದ್ಯ: ಬಿ ಎಸ್ ವೇಣುಗೋಪಾಲ್ ರಾಜು (ತಬಲಾ ವೇಣು)
• ಬಾನ್ಸುರೀ/ಕೊಳಲು: ರಘುನಂದನ್ ರಾಮಕೃಷ್ಣ
• ಕೀಬೋರ್ಡ್: ಟೋನಿ ಮ್ಯಾಥ್ಯೂ
• ರಿದಮ್ ಪ್ಯಾಡ್: ವರದರಾಜ್
• ಧ್ವನಿತಂತ್ರಜ್ಞಾನ: ಬಾಲಕೃಷ್ಣ ರಾವ್

ಪಿ ಕೆ ಪರಮೇಶ್ವರ ಭಟ್ಟರ ಈ ಕವನ, ಅವರ "ಮನದ ಮಲ್ಲಿಗೆ" ಕವನಸಂಕಲನಕ್ಕೆ ಶೀರ್ಷಿಕೆಯನ್ನೊದಗಿಸಿದೆ. 

ಈ ಹಾಡು ಪಾಶ್ಚಾತ್ಯ ಶಾಸ್ತ್ರೀಯ ಶೈಲಿಯ Aeolian mode ಅಥವಾ natural minor scale ಅಥವಾ ಕರ್ನಾಟಕ ಶಾಸ್ತ್ರೀಯ ಸಂಗೀತದ ನಠಭೈರವಿ ರಾಗದಲ್ಲಿದೆ.

ಇಡೀ ಕವನ ಹೀಗಿದೆ.

ಮನದ ಮಲ್ಲಿಗೆ

೧

ಬದುಕು ಸಂಪದ ಮಮತೆ ಮೈಸಿರಿ

    ನಾಳಿನಾಸೆಯ ಸಂಪುಟ!

ಜಾರುನೆಲವಿದು ಏಳುಬೀಳುಗಳೆಲ್ಲ

    ಕಾಣದ ಸಂಕಟ

೨

ಒಲವು ಒಗೆತನ ಸಿರಿಯು ಬಡತನ

    ಕನಸಿನರಮನೆ ಬಾವುಟ!

ಮನದ ಮಲ್ಲಿಗೆ ಬಾಡದಂತಿರೆ

    ನೆಲದ ಸಂಪದದಾವುಟ!

೩

ಒಲಿದ ಮನಗಳ ಕುಸಿದ ಗೋಪುರ

    ಹರಕು ಭೂಪಟರೇಖೆಯೋ?

ಬಿರಿದ ಒಮ್ಮತವಿರದ ಬಳಗದ

    ಕಳೆದ ದುಗುಡದ ಛಾಯೆಯೋ?

೪

ನುಡಿದ ಮಾತಿನ ಸೊಲ್ಲು ಸರಿಗಮ,

    ಎಲ್ಲೊ ಕೇಳಿದ ಗಾಯನ!

ಆತ್ಮಚೇತನ-ಸೇವೆ-ಹಿರಿತನ,

    ಸ್ವಾರ್ಥಲೇಪದ ಚಿಂತನ!

೫

ನೊಂದ ನೋವಿನ, ಮರೆದ ಮುಗಿಲಿನ

    ಪ್ರೇಮದೊರತೆಯೆ ಜೀವನ!

ಮನದ ಮಲ್ಲಿಗೆ ಅರಳುವಂತಿರೆ

    ಕಂಪನೆರೆಯುತ ಹೂವಿನ!

- ಪಿ ಕೆ ಪರಮೇಶ್ವರ ಭಟ್

ಮನದ ಮಲ್ಲಿಗೆ, ಪುಟ 10

ಈ ಹಾಡುಗಳೆಲ್ಲವೂ Creative Commons Attribution-NonCommercial-NoDerivatives 4.0 International License ಹಾಗೂ standard YouTube license ಮೂಲಕ ಲಭ್ಯವಿವೆ. ಕವನದ Copyright ಇದರಲ್ಲಿ ಒಳಗೊಂಡಿಲ್ಲ.

These songs are licensed under a Creative Commons Attribution-NonCommercial-NoDerivatives 4.0 International License and standard YouTube license. This does not include the copyright on the poem.